نقطة مرارة كمان علي مشروبـــــــــــي
دوبها يا ساقي حسب مطلوبـــــــــــــــي
طبع الحياة .. مش برضه فيها و فيها ؟
ليالي وردي و نهارات خروبــــــــــــي ؟
عجبي!!!
صلاح جاهين
ليه كل شيء جميل في حياتنا
يخلص بسرعة , و ليه كل ابتسامة فجأة تتقلب حزن و دموع ، أيام قليلة لكن كانت سعيدة
قضيناها في السيرك , لكنها شبه كل شيء حلو تنتهي بسرعة , و يكون آخرها حزن و ألم و
دموع و صدمة كبيرة جداً .
النهارده
كان يوم جميل ورائع , كله سعادة و ابتسامة , لأن النهارده كل السيرك قرر يفاجئ "كابتن
روما " مفاجأة حلوة جداً أسعدته , و الجمهور كمان
يوم 25
أبريل عيد ميلاد "كابتن روما " , و علشان عيد الميلاد يكون مفاجأة بجد
قرر كل الفريق يحتفل بعيد الميلاد قبلها بأيام , ووقتها " كابتن روما " لا
يمكن يتوقع إن ده يكون عيد ميلاده .
" محمد " ابن "كابتن روما " اشترى كل لوازم
عيد الميلاد , "كابتن مجدي "رتب الزينة , " إسلام " جهز البالونات , " ماريانا
" جهزت أغاني عيد الميلاد على الدي جي , و يومها حصل الموقف ده !!!
كابتن
روما : يا ولاد التورتة و الزينة دي علشان مين ؟
كابتن مجدي
: بعد إذنك يا كابتن , فيه واحد من الجمهور جابها علشان عيد ميلاد ابنه النهارده ,
وقرر يفرح ابنه و يحتفل به هنا في السيرك ... ممكن ؟
كابتن
روما : أكيد , و من غير ما تسأل
كابتن مجدي
: شكرا لذوقك و طيبتك يا كابتن , طول عمرك قلبك كبير يا كبير .
و فجأة
يتفاجأ " كابتن روما " بحضور العائلة للسيرك , طبعاً فرح جداً , و
استقبلهم , و قالهم دي أحسن مفاجأة في الدنيا , و طبعاً هما قالوا له : إنت وحشتنا
جينا نشوفك .
بعد
شوية أتفاجئ تاني إن كل أصدقائه حضروا للسيرك ، يفرح جداً و يرحب بيهم , و هو
معتقدها زيارة ودية منهم , ولكن " محمد " و " مجدي " مرتبين
كل شيء .
ورا الستارة
"كابتن روما " واقف مع أصدقائه في منتهى السعادة , لان كل الناس اللي
بيحبهم إتجمعوا في يوم واحد , و في الفقرة قبل الأخيرة حصل حوار أجمل بين " كابتن
روما " و " محمد "
كابتن
روما : " محمد " مش ملاحظ إن العرض قرب ينتهي , وإحنا انشغلنا مع أهلنا
وأصحابنا , ونسينا عيد ميلاد الطفل
الصغير .
كابتن
محمد : لا ما يصحش طبعاً .... طول عمرك طيب وقلبك كبير يا بابا
كابتن
روما : بابا في البيت , إحنا في الشغل , إتفضل اخرج للجمهور وابدأ عيد الميلاد
كابتن مجدي
: لا لا لا إستنى يا " كابتن محمد " ما يصحش ، إتفضل حضرتك يا كابتن , انت
الكبير
و يخرج
فعلاً " كابتن روما " للجمهور
كابتن
روما : حقيقي النهارده أنا أسعد الناس, لأن كل أهلي وأصحابي و أحبابي إتجمعوا في
يوم واحد , و يسعدني كمان إني أحتفل معاكم بعيد ميلاد ..............
لكن يكتشف " كابتن روما " إنه ما
يعرفش اسم الطفل فيسأل " كابتن محمد " بهدوء , هو اسم الطفل إيه يا محمد ؟
كابتن محمد : اسمه روما يا بابا
كابتن روما : روما إيه
كابتن مجدي : حضرتك
كابتن روما : نعم يا " كابتن مجدي
" اسم الطفل إيه ؟
كابتن مجدي : و الله حضرتك على فكرة
كابتن روما : و هو النهاردة عيد ميلادي
؟
كابتن مجدي : ما هي دي الخديعة , و الناس دي مش جاية صدفة على فكرة , دي مؤامرة كبيرة يا كابتن
و يغنى
كل الموجودين و الجمهور لكابتن روما happy
birth day to you ، حقيقي
شعور جميل ورائع , إن فنان يحتفل بعيد
ميلاده وسط جمهوره .
العرض
الأخير
يوم
جميل , لكن دائما تأتى الرياح بما لا تشتهى السفن ، فجأة خرج " كابتن
محمد اليماني " ورا الستارة يستلم
جواب , و بعد ما قراه قعد مع " شطا "
و هو حزين , حتى " شطا " نفسه كان حزين لحزن " محمد " .
خرجت
أسأل عن الجواب , للأسف الجواب إنذار بإخلاء السيرك خلال يومين لوجود قضية مرفوعة
ضد السيرك من عدد من الشخصيات الهامة ، شيء مؤسف و محزن , ليه دايماً أجمل لحظات السعادة تنتهي
بحزن و ألم , و أجمل الأيام تمر بسرعة و كأنها حلم جميل .
انتهى
عيد الميلاد , و دخل "كابتن روما "ورا الستارة استعدادا لآخر فقرة , و هي
فقرة الوحوش ، لكنه شاف " محمد " حزين ومعاه الإنذار ، " كابتن روما " أخد الإنذار وقرأه
وفكر دقيقة , ومسك المايك ورا الستارة وقال :
" جمهوري الحبيب عيد ميلادي كان مفاجأة ليا
, لأن أولادي قرروا يحتفلوا به معاكم في أخر يوم لينا في السيرك , وسط أجمل جمهور
، و النهارده كان آخر يوم و آخر عرض شكرا ليكم "
و انتهى
آخر يوم , كان أسعد يوم و أصعب يوم , و فيه مرارة و ألم وحيرة , ليه بعد كل الروعة
دي يوقفوا السيرك ؟؟؟
رابط المقال على شبكة صدى بورسعيد الاخبارية
في 3 مايو 2014
http://www.sadaportsaid.com/12630/
ليست هناك تعليقات:
إرسال تعليق