ازاي
شبابنا يقوم و ياخـــــــــد دوره
من غير
صراخ يئذيه و يجرح زوره
يا هلتري
أحسن له يقعد ساكـــــــــت
أو ينترك
و لو خرج عن طــــــوره ؟
عجبي !!!
صلاح جاهين
" عز
" هو ابن أخت "كابتن روما ", والدة عز كانت في طفولتها بطلة في
السيرك , و بتقدم فقرة المشي علي السلك , و لكن حالياً هي زوجة و أم , تفرغت
لرعاية أسرتها و تربية أولادها .
" عز " طفل نشأ في جو
فني في السيرك ، "كابتن روما " لاحظ موهبة " عز " من سن ست
سنين , فقرر تدريبه علي لعبة الأرجل , و فعلا " عز " حب اللعبة , و أتقنها , و تميز بها .
أول يوم لعز في لعبة الأرجل كان في الغردقة مع فريق السيرك , و بعده "
عز " لعبها في كل العروض , و زار
بلاد كتير مع "كابتن روما " , لغاية ما وصل سن 10 سنين حالياً .
" كابتن روما " بيقول عن" عز " : " عز " نسخة مني , بشوف فيه نفسي لأنها نفس طفولتي
, و بدايتي في نفس اللعبة بالسيرك القومي , لأني بدأت حياتي بلعبة الأرجل , و
كنت 6 سنين زى بداية " عز " تمام " .
أما عن يوم السيرك إلنهاردة , فكان يوم مفتقد لأهم أبطال السيرك , نظراً
لغياب " كابتن محمد اليماني " و
" محمد " بيشارك " كابتن مجدي " في أغلب الألعاب ، لكن "
محمد " عنده امتحان في المعهد العالي للفنون المسرحية , فسافر القاهرة , و
كان العبء الأكبر على "كابتن مجدي" في تغطية اليوم .
بدأ العرض بلعبة الأطباق , و نجح "كابتن مجدي" في إنه يشيل
الفقرة من غير أي مشاكل , و من غير ما يَشعر الجمهور بشيء غريب , لقيام
الفقرة على بطل واحد ، و لكن كان في فقرات ثانية لازمها بطلين , و هنا كان مُنقذ
الفريق " عز " الطفل الصغير , و
قدر فعلا يظهر كنجم كبير , و بطل في أكثر من فقرة و موقف .
الفقرة الأولى
ل " عز "
المفروض إنها كانت موقف تمثيلي كوميدي , بين " محمد " و " مجدي
" فقرة فيها الاثنين بيتصارعوا علي كرسي واحد , و كل واحد عايزه لنفسه , و
أثناء الفقرة بيضربوا بعض بالكفوف , لكن الجمهور فوجئ إن البطل أمام "كابتن مجدي"
هو الطفل " عز " و بمنتهى
الذكاء و الحضور يكون " عز " هو نجم الفقرة الحقيقي رغم صغر سنة ، فيضحك
الجمهور من أداء "كابتن مجدي" لأنه بيظهر بيجري من" عز " , أما
" عز " بيظهر البطل الأقوى و
المُسيطر على الموقف أمام "كابتن مجدي" الكبير , و ده فعلا أدى لضحك
الجمهور أكثر من إن البطلين يكونوا كبار , وظهرت هنا بطولة و فن " عز " .
الفقرة الثانية ل " عز "
كانت
فقرة الأرجل الذهبية ل " عز " مع " كابتن روما " و هي فقرة " عز
" الأصلية و الأساسية و الجمهور اعتاد عليها .
" عز " مذيع و مقدم فقرات
حصل موقف مفاجئ أثناء العرض ، كابتن روما استقبل مكالمة من أحد أصدقائه من
خارج صالة العرض , و كان وقتها بيقدم الفقرات كإذاعة داخلية , لحظتها سلم المايك ل
" عز " , و خرج لاستقبال أصدقائه , و قام " عز
" بمهمة "كابتن روما " بأسلوب أمتع الجمهور جداً , و للمرة الثانية
تظهر بطولة " عز " في إنه يسد غياب عضو من أعضاء فريق العمل , و
ينجح اليوم من غير ما يشعر الجمهور بشيء ,
أو غياب أحد أعضاء الفريق .
دولة العواجيز
طبعا كلنا عارفين دولة العواجيز , مش مهم اسمها إيه , ولا هي فين علي
الخريطة ، لكن المهم إن الدولة دي علشان تتولي فيها منصب قيادي لو كنت مجتهد جداً
ممكن توصل للمنصب قبل الستين بسنة أو سنتين , و لما تتولى منصب قيادي كبير
جداً في الدولة " وزير " مثلا لو الريح طيب , تتولاه بعد الستين بعشر
سنين , و لو كنت متميز و عندك قدرات فذة و جبارة ممكن توصله علي الستين .
دائماً المبررات موجودة , أن هناك تدرج وظيفي , و إن الشباب لا يملك خبرة ,
و إن السلم لازم تطلعه واحدة واحدة , كله كلام جميل ما أقدرش أقول حاجة عنه ، لكن
في السيرك مافيش الكلام ده خالص ، في السيرك ممكن اصغر ما فينا يقودنا , و يبقي بطلنا , و يشيل السيرك , و ننجح معاه و به .
معقول ده حالنا , مع إننا المصريين أصحاب الحضارة الفرعونية الحافلة بأطفال
أبهروا العالم ، في نفس سن " عز " تقريباً " توت عنخ آمون " حكم
مصر في سن 9 سنوات , وكان فرعون مصر من 1334
إلى 1325 ق.م في عصر الدولة الحديثة ، من يتصور إن دولة عظمى و هي الدولة الأولى
على مستوى العالم وقتها , يحكمها طفل عمره 9 سنوات .
" توت عنخ أمون " هو ابن الملك " إخناتون " ، صاحب
فكرة عبادة التوحيد , لأنه وحد الآلهة في
إله واحد , هو الإله " آتون " و بعد وفاته حكم " توت عنخ أمون " مصر لمدة 9 سنوات , و عثروا على مقبرته كاملة لم
تُمس , و هي أشهر مقبرة فرعونية , كانت جميع مقتنياتها من الذهب
الخالص , و هي الآثار الأشهر عالمياً , و بيقال عنه إنه الفرعون الذهبي , و من أشهر ملوك الفراعنة لانبهار
العالم بمقتنياته الرائعة , المعبرة عن
عصر مزدهر اقتصاديا و علمياً و فنياً .
مات توت عنخ آمون في سن 18 عام , و بعد آلاف السنين , أصبح صاحب الحظ
الأوفر من بين ملوك الفراعنة في تناول الكتاب و الباحثين لقصة حياته , و لغز وفاته
, لدرجة شجعت قناة أمريكية تنتج مسلسل عن
حياة أصغر ملك فرعوني .
مش بس التاريخ الفرعوني , لكن تاريخنا الإسلامي زاخر ببطولات الأطفال , و
نجاحاتهم , و الفكر ده مش غريب علي مجتمعنا الإسلامي , لأن " سيدنا أسامه بن
زيد " , كان أصغر قائد للجيش الإسلامي , و قاد الجيش من الحجاز للشام لمواجهة الروم سنة 11 هجري في عهد
رسول الله صلى الله عليه و سلم , و كان عمره 18 سنة , حمل راية الإسلام في الحرب ,
و تولي قيادة الجيش , و قاد المسلمين للنصر على أقوى جيش في العالم في الوقت ده .
قصة ثانية شهيرة جداً لسيدنا " عمر بن الخطاب " مع طفل ، لما مر سيدنا عمر في يوم في الطريق علي
مجموعة من الأطفال , ففروا من أمامه لهيبته , إلا طفل واحد وقف ثابت مكانه , و لما
سأله سيدنا " عمر " لماذا لم تفر معهم ؟ فقال الطفل : يا أمير
المؤمنين لم أفعل ما أخشاه لكي أفر من أمامك .
هما دول أطفال زمان ، أطفال قادوا
مصر في أعظم فترات قوتها و ازدهارها , و قادوا الدولة الإسلامية , و كانوا أبطال و
قادة جيوش , نشروا الإسلام و جعلوا الحضارة الإسلامية تملأ الآفاق .
" عز " هو نموذج لطفل مصري عربي , مفروض يكون موجود , لكنه اختفي للأسف , لأن
قدره إنه ولد في دولة العواجيز .
أكثر كاريكاتير على الإنترنت معبر عن دولة العواجيز , كان لراجل عجوز جدا
زى ما هو واضح في الصورة , و ماشي على طريق مفروش بالورود , و مكتوب عليه الورد اللي فتح .... فهل من سبيل للتغيير ؟قصة ثانية شهيرة
جداً لسيدنا عمر بن الخطاب مع طفل ، لما مر سيدنا عمر فى يوم فى الطريق علي مجموعة
من الأطفال ففرو من امامه لهيبة سيدنا عمر إلا طفل واحد وقف ثابت مكانه و لما سأله
سيدنا عمر لماذا لم تفر معهم ؟ فقال الطفل : يا امير المؤمنين لم افعل ما اخشاه لكى افر من
أمامك .
هما دول أطفال
زمان ، أطفال قادو مصر فى أعظم فترات
قوتها و إزدهارها و قادو الدولة الإسلامية و كانوا أبطال و قادة جيوش نشرو الإسلام و جعلوا الحضارة الإسلامية تملئ
الافاق .
عز هو نموذج
لطفل مصري عربى مفروض يكون موجود لكنه إختفي للأسف لأن قدره إنه ولد في دولة
العواجيز .
أكثر كاريكتير
على الانترنت معبر عن دولة العواجيز كان لراجل عجوز جدا زى ما هو واضح فى الصورة و
ماشى على طريق مفروش بالورود و مكتوب عليه الورد اللى فتح ....
فهل من سبيل
للتغيير ؟
رابط المقال على شبكة صدى بورسعيد الاخبارية
في 15 ابريل 2014
http://www.sadaportsaid.com/11015/
ليست هناك تعليقات:
إرسال تعليق